Ciwon zuciya na daga cikin manyan dalilan mutuwar gaggawa a duniya baki ɗaya. Masana sun bayyana cewa kwayoyin halitta da rayuwar yau da kullum suna taka rawa, amma abincin da muke ci da abin sha na da matuƙar tasiri ga lafiyar zuciya.
Wasu sinadarai da ake ci da yawa suna iya lalata jijiyoyi da zuciya a hankali ba tare da a sani ba. Don kare zuciyarka da tsawaita rayuwa, ga abubuwa uku da ya kamata a rage yawan sha’ansu:
1. Gishiri da yawa (Sodium)Cin gishiri fiye da kima yana ƙara matsa lamba a jini, wanda ke sa zuciya da jijiyoyi yin aiki da ƙarfi fiye da kima. Wannan na iya jawo hauhawar jini, bugun zuciya ko ciwon shanyewar jiki (stroke).– Manyan hanyoyin da ake samun gishiri a ɓoye sun haɗa da abincin gwangwani, indomie, miya ta gwangwani, da kuma abincin sauri (fast food).
Shawarwari: a rage amfani da gishirin girki, a duba lakabin kayan abinci, sannan a maye gurbin dandano da kayan ƙamshi na halitta.
2. Kitse mai haɗari (Saturated da Trans Fats)Waɗannan kitse na ɗaga matakin mummunan cholesterol (LDL), wanda ke toshe hanyoyin jini ya hana jini gudana yadda ya kamata zuwa zuciya.– Ana samun wannan kitse a cikin soyayyen abinci, kek da pastries, margarine, naman mai yawa, da kayan marmari na gwangwani.Cin su da yawa na ƙara haɗarin toshewar jijiya, bugun zuciya, har ma da mutuwar gaggawa.
Shawarwari: a fi amfani da man zaitun, avokado da gyada waɗanda ke da amfani ga zuciya.
3. Sukari da yawaYawan sukari na haddasa kiba, ciwon sikari (diabetes) da matsalar metabolism, waɗanda dukkansu na ƙara haɗarin kamuwa da cutar zuciya.– Abubuwan sha masu zaki, kayan ciye-ciye da kuma abincin da aka tace sukari suna lalata lafiyar jiki a hankali.Haka kuma, sukari da yawa na jawo kumburi a jiki wanda ke lalata jijiyoyi.
Shawarwari: a maye gurbin lemu da lemo mai sukari da ruwa, shayin da ba a saka sukari ba ko kuma smoothies na ‘ya’yan itace na halitta.Takaitawa: Don rage haɗarin kamuwa da ciwon zuciya da kuma tsawaita rayuwa cikin ƙoshin lafiya, ana shawartar a rage cin gishiri, kitse marar kyau, da sukari. Hakanan, cin abinci mai ɗauke da kayan lambu, ‘ya’yan itace, nama mara kitse da hatsi na halitta na taimaka wa zuciya ta kasance cikin ƙarfi.
